ਚੰਡੀਗੜ੍ਹ : ਪੰਜਾਬ ਯੂਨੀਵਰਸਿਟੀ ਦੇ ਹੋਸਟਲ ਦੇ ਬਾਹਰ ਸਥਿਤੀ ਉਸ ਵੇਲੇ ਤਨਾਅਪੂਰਨ ਹੋ ਗਈ ਜਦੋਂ ਉਥੇ ਇਕ ਕੁੜੀ ਨੂੰ ਮਿਲਨ ਆਏ ਮੁੰਡੇ ਨੇ ਸ਼ਰੇਆਮ ਕੁੜੀ ਦੇ ਮੂੰਹ 'ਤੇ ਥੱਪੜ ਵਰ੍ਹਾਉਣੇ ਸ਼ੁਰੂ ਕਰ ਦਿੱਤੇ। ਕੁੜੀ ਨੂੰ ਸ਼ਰੇਆਮ ਕੁੱਟਦਿਆਂ ਵੇਖ ਉਥੇ ਮੌਜੂਦ ਇਕ ਵਿਦਿਆਰਥਣ ਨੇ ਮੁੰਡੇ ਨੂੰ ਰੋਕ ਲਿਆ ਅਤੇ ਫਿਰ ਐਸ.ਐਫ.ਐਸ. ਵਰਕਰਾਂ ਨੇ ਮੁੰਡੇ ਦੀ ਜਮ ਕੇ ਛਿੱਤਰ ਪਰੇਡ ਕਰ ਦਿੱਤੀ। ਇਹ ਘਟਨਾ ਪੰਜਾਬ ਯੂਨੀਵਰਸਿਟੀ ਦੇ ਹੋਸਟਲ ਨੰਬਰ ਤਿੰਨ-ਚਾਰ ਦੇ ਬਾਹਰ ਦੀ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਉਕਤ ਨੌਜਵਾਨ ਲੜਕੀ ਨੂੰ ਮਿਲਣ ਆਇਆ ਸੀ। ਇਸ ਦੌਰਾਨ ਕਿਸੇ ਗੱਲ ਨੂੰ ਲੈ ਕੇ ਦੋਵਾਂ ਵਿਚ ਵਿਵਾਦ ਹੋ ਗਿਆ ਅਤੇ ਮੁੰਡੇ ਨੇ ਦੇਖਦੇ ਹੀ ਦੇਖਦੇ ਕੁੜੀ ਦੇ ਮੂੰਹ 'ਤੇ ਤਿੰਨ-ਚਾਰ ਥੱਪੜ ਜੜ ਦਿੱਤੇ। ਉਥੇ ਹੀ ਮੌਜੂਦ ਈਵ ਟੀਜ਼ਿੰਗ ਦੇ ਖਿਲਾਫ ਵਿਦਿਆਰਥੀ ਫਾਰ ਸੋਸਾਇਟੀ ਪ੍ਰਦਰਸ਼ਨ ਕਰ ਰਹੇ ਸਨ। ਉਨ੍ਹਾਂ ਨੇ ਮੁੰਡੇ ਵਲੋਂ ਕੁੜੀ ਦੀ ਸ਼ਰੇਆਮ ਹੁੰਦੀ ਕੁੱਟਮਾਰ ਦੇਖ ਲਈ ਅਤੇ ਮੁੰਡੇ ਦੀ ਛਿੱਤਰ ਪਰੇਡ ਕਰ ਦਿੱਤੀ। ਘਟਨਾ ਤੋਂ ਬਾਅਦ ਉਥੇ ਮੌਜੂਦ ਸਕਿਓਰਿਟੀ ਗਾਰਡਾਂ ਨੇ ਪੁਲਸ ਨੂੰ ਬੁਲਾ ਲਿਆ ਪਰ ਲੜਕੀ ਨੇ ਲੜਕੇ ਖਿਲਾਫ ਸ਼ਿਕਾਇਤ ਕਰਨ ਤੋਂ ਇਨਕਾਰ ਕਰ ਦਿੱਤਾ।

Punjab news, Punjabi news, BBC PUNJABI,