ਚੰਡੀਗੜ੍ਹ : ਕਾਂਗਰਸ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਪਿਛਲੇ ਦਿਨੀਂ ਅਗਸਤ ਮਹੀਨੇ 9 ਰੈਲੀਆਂ ਕਰਨ ਦਾ ਐਲਾਨ ਕੀਤਾ ਸੀ ਤੇ ਹੁਣ ਕੈਪਟਨ ਨੂੰ ਟੱਕਰ ਦੇਣ ਲਈ ਕਾਂਗਰਸ ਪ੍ਰਧਾਨ ਪ੍ਰਤਾਪ ਸਿੰਘ ਬਾਜਵਾ ਨੇ ਅਗਸਤ ਮਹੀਨੇ ਤੋਂ ਹੀ 10 ਰੈਲੀਆਂ ਕਰਨ ਦਾ ਐਲਾਨ ਕੀਤਾ ਹੈ।

ਬਾਜਵਾ ਨੇ ਇਹ ਐਲਾਨ ਬੀਤੇ ਦਿਨ ਕਾਂਗਰਸ ਉੱਪ ਪ੍ਰਧਾਨ ਰਾਹੁਲ ਗਾਂਧੀ ਨੂੰ ਦਿੱਲੀ 'ਚ ਮਿਲਣ ਤੋਂ ਬਾਅਦ ਕੀਤਾ ਹੈ। ਸੂਤਰਾਂ ਮੁਤਾਬਕ ਬਾਜਵਾ ਨੂੰ ਇਕ ਵਾਰ ਫੇਰ ਰਾਹੁਲ ਤੋਂ ਥਾਪੜਾ ਮਿਲਿਆ ਹੈ।

ਬਾਜਵਾ ਨੇ ਕਿਹਾ ਹੈ ਕਿ ਕਿ ਮੇਰੀਆਂ ਰੈਲੀਆਂ ਦੱਸਣੀਆਂ ਕਿ ਲੋਕ ਕਿਸਦੇ ਨਾਲ ਹਨ। ਪਿਛਲੇ ਦਿਨੀਂ ਪੰਜਾਬ ਕਾਂਗਰਸ ਦੇ ਇੰਚਾਰਜ ਸ਼ਕੀਲ ਅਹਿਮਦ ਨੇ ਵੀ ਬਾਜਵਾ ਦੀ ਪ੍ਰਧਾਨਗੀ ਬਣੇ ਰਹਿਣ ਦੀ ਗੱਲ ਕਹੀ ਸੀ।
ਫਿਲਹਾਲ ਦੋਵਾਂ ਲੀਡਰਾਂ ਨੇ ਆਪੋ ਆਪਣੀ ਰੈਲੀਆਂ ਦਾ ਐਲਾਨ ਕਰ ਦਿੱਤਾ ਹੈ ਤੇ ਹੁਣ ਇਕ ਵਾਰ ਫੇਰ ਅਗਸਤ ਮਹੀਨੇ ਕਾਂਗਰਸ ਦੀ ਧੜੇਬੰਦੀ ਜੱਗਜ਼ਾਹਰ ਹੋਵੇਗੀ।


Punjab news, Punjabi news, BBC PUNJABI,