ਮਾਛੀਵਾੜਾ ਸਾਹਿਬ  : ਨੇੜਲੇ ਪਿੰਡ ਮਾਣੇਵਾਲ ਦੇ ਨਿਵਾਸੀ ਸੁਖਜੀਤ ਸਿੰਘ (22) ਨੇ ਆਪਣੀ ਮਾਂ ਦੇ ਕਿਸੇ ਵਿਅਕਤੀ ਨਾਲ ਨਜਾਇਜ਼ ਸਬੰਧਾਂ ਤੋਂ ਦੁਖੀ ਹੋ ਕੇ ਜ਼ਹਿਰੀਲਾ ਪਦਾਰਥ ਖਾ ਲਿਆ ਜਿਸ ਕਾਰਣ ਉਸਦੀ ਮੌਤ ਹੋ ਗਈ। ਸੁਖਜੀਤ ਦਾ ਵਿਆਹ ਅਜੇ ਡੇਢ ਮਹੀਨਾ ਪਹਿਲਾਂ ਹੀ ਦਵਿੰਦਰ ਕੌਰ ਨਾਲ ਵਿਆਹ ਹੋਇਆ ਸੀ। ਨਵ-ਵਿਆਹੁਤਾ ਦਵਿੰਦਰ ਕੌਰ ਦੇ ਹੱਥਾਂ ਤੋਂ ਲਾਲ ਚੂੜਾ ਅਤੇ ਮਹਿੰਦੀ ਦਾ ਰੰਗ ਵੀ ਨਹੀ ਉਤਰਿਆ ਸੀ ਕਿ ਉਸਦੀ ਸੱਸ ਕਾਰਣ ਉਸਦਾ ਹੱਸਦਾ ਖੇਡਦਾ ਪਰਿਵਾਰ ਉਜੜ ਗਿਆ। ਪਤੀ ਸੁਖਜੀਤ ਦੀ ਮੌਤ ਕਾਰਣ ਉਹ ਬਿਲਕੁਲ ਗੁੰਮਸੁੰਮ ਹੋ ਗਈ। ਪੁਲਸ ਨੇ ਲੜਕੇ ਦੇ ਦਾਦੇ ਦੇ ਬਿਆਨਾਂ 'ਤੇ ਮਾਂ ਰਾਜ ਕੌਰ ਅਤੇ ਉਸਦੇ ਪ੍ਰੇਮੀ ਗਿਰਧਾਰੀ ਲਾਲ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ। ਮ੍ਰਿਤਕ ਨੌਜਵਾਨ ਦੇ ਦਾਦਾ ਮੁਨਸ਼ਾ ਸਿੰਘ ਨੇ ਪੁਲਸ ਨੂੰ ਦੱਸਿਆ ਕਿ ਉਸਦਾ ਵੱਡਾ ਲੜਕਾ ਜਿਸ ਦੀ ਮੌਤ ਹੋ ਗਈ ਸੀ ਉਸਦੀ ਪਤਨੀ ਰਾਜ ਕੌਰ ਦੇ ਨੇੜਲੇ ਪਿੰਡ ਦੇ ਗਿਰਧਾਰੀ ਲਾਲ ਨਾਲ ਨਜਾਇਜ਼ ਸਬੰਧ ਬਣ ਗਏ ਸਨ। ਇਨ੍ਹਾਂ ਨਜਾਇਜ਼ ਸਬੰਧਾਂ ਕਰਕੇ ਪਰਿਵਾਰਕ ਮੈਂਬਰਾਂ ਵਲੋਂ ਕਈ ਵਾਰ ਉਸ ਨੂੰ ਰੋਕਿਆ ਵੀ ਗਿਆ ਪਰ 20 ਜੁਲਾਈ ਨੂੰ ਉਸਦੀ ਨੂੰਹ ਰਾਜ ਕੌਰ ਸਵੇਰ ਆਪਣੇ ਘਰ ਤੋਂ ਆਪਣੇ ਪ੍ਰੇਮੀ ਗਿਰਧਾਰੀ ਲਾਲ ਦੇ ਕੋਲ ਚਲੀ ਗਈ।
ਇਸ ਬਾਰੇ ਜਦੋਂ ਉਸਦੇ ਪੋਤਰੇ ਸੁਖਜੀਤ ਸਿੰਘ ਨੂੰ ਪਤਾ ਲੱਗਿਆ ਤਾਂ ਉਹ ਬਹੁਤ ਪ੍ਰੇਸ਼ਾਨ ਹੋ ਗਿਆ ਅਤੇ ਆਪਣੇ ਦੋਸਤ ਨੂੰ ਨਾਲ ਲੈ ਕੇ ਬਦਨਾਮੀ ਤੋਂ ਬਚਣ ਲਈ ਉਹ ਆਪਣੀ ਮਾਂ ਨੂੰ ਲੈਣ ਲਈ ਗਿਰਧਾਰੀ ਲਾਲ ਦੇ ਘਰ ਚਲਾ ਗਿਆ। ਉਥੇ ਜਾ ਕੇ ਉਸਦੇ ਪੋਤਰੇ ਸੁਖਜੀਤ ਸਿੰਘ ਨੇ ਆਪਣੀ ਮਾਂ ਨੂੰ ਮੁੜ ਪਿੰਡ ਜਾਣ ਲਈ ਕਿਹਾ ਜਿਸ 'ਤੇ ਉਸਦੇ ਪ੍ਰੇਮੀ ਗਿਰਧਾਰੀ ਲਾਲ ਨੇ ਸੁਖਜੀਤ ਨਾਲ ਗਾਲੀ ਗਲੋਚ ਕੀਤਾ ਤੇ ਕੁੱਟਮਾਰ ਕੀਤੀ।
21 ਜੁਲਾਈ ਨੂੰ ਉਸਦੇ ਸੁਖਜੀਤ ਸਿੰਘ ਨੇ ਮਾਂ ਦੇ ਪ੍ਰੇਮੀ ਵਲੋਂ ਉਸ ਨਾਲ ਕੁੱਟਮਾਰ ਅਤੇ ਜਲੀਲ ਕਰਨ 'ਤੇ ਜ਼ਹਿਰੀਲਾ ਪਦਾਰਥ ਖਾ ਲਿਆ ਜਿਸ ਦੀ ਬੁੱਧਵਾਰ ਨੂੰ ਹਸਪਤਾਲ 'ਚ ਮੌਤ ਹੋ ਗਈ। ਬਿਆਨ ਕਰਤਾ ਮੁਨਸ਼ਾ ਸਿੰਘ ਅਨੁਸਾਰ ਉਸਦੇ ਪੋਤਰੇ ਸੁਖਜੀਤ ਸਿੰਘ ਨੇ ਮਰਨ ਤੋਂ ਪਹਿਲਾਂ ਦੱਸਿਆ ਕਿ ਉਸਨੇ ਆਤਮਹੱਤਿਆ ਆਪਣੀ ਮਾਂ ਦੇ ਨਜਾਇਜ਼ ਸਬੰਧਾਂ ਅਤੇ ਉਸਦੇ ਪ੍ਰ੍ਰੇਮੀ ਵਲੋਂ ਉਸ ਨੂੰ ਜਲੀਲ ਕਰਨ ਕਾਰਨ ਕੀਤੀ ਹੈ। ਪੁਲਸ ਵਲੋਂ ਰਾਜ ਕੌਰ ਅਤੇ ਉਸਦੇ ਪ੍ਰੇਮੀ ਗਿਰਧਾਰੀ ਲਾਲ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।

Punjab news, Punjabi news, BBC PUNJABI,