ਚੰਡੀਗੜ੍ਹ: ਪੰਜਾਬ ਬੀਜੇਪੀ ਦੇ ਸੀਨੀਅਰ ਲੀਡਰ ਮਨੋਰੰਜਨ ਕਾਲੀਆ ਨੇ ਪਾਰਟੀ ਦੇ ਸਾਬਕਾ ਇੰਚਾਰਜ ਸਾਂਤਾ ਕੁਮਾਰ 'ਤੇ ਵੱਡਾ ਹਮਲਾ ਕੀਤਾ ਹੈ।
ਮਨੋਰੰਜਨ ਕਾਲੀਆ ਨੇ ਕਿਹਾ ਕਿ ਸਾਂਤਾ ਕੁਮਾਰ ਜੀ ਤੁਸੀਂ ਬੀਜੇਪੀ ਪ੍ਰਧਾਨ ਅਮਿਤ ਸ਼ਾਹ ਨੂੰ ਚਿੱਠੀ ਲਿਖ ਕੇ ਬੜੇ ਆਦਰਸ਼ਵਾਦੀ ਤੇ ਇਮਾਨਦਾਰ ਬਣਨ ਦੀ ਕੋਸ਼ਿਸ਼ ਕਰ ਰਹੇ ਹੋਂ। ਜਦੋਂਕਿ ਤੁਸੀਂ ਪੰਜਾਬ 'ਚ ਲੋਕ ਸਭਾ ਚੋਣਾਂ ਦੌਰਾਨ ਪਾਰਟੀ ਲਈ ਇਕੱਠਾ ਕੀਤਾ ਫੰਡ ਆਪਣੇ ਲਈ ਵਰਤ ਲਿਆ।

ਉਨ੍ਹਾਂ ਕਿਹਾ ਕਿ ਤੁਸੀਂ ਉਸ ਸਮੇਂ ਕਿਹਾ ਵੀ ਸੀ ਕਿ ਇਹ ਫੰਡ ਪਾਰਟੀ ਲਈ ਨਹੀਂ ਮੇਰੀ ਚੋਣ ਲਈ ਹੈ। ਕਾਲੀਆ ਨੇ ਸਾਂਤਾ ਕੁਮਾਰ ਤੋਂ ਪੁੱਛਿਆ ਕਿ ਤੁਸੀਂ ਜੋ ਫੰਡ ਲੋਕ ਸਭਾ ਚੋਣਾਂ ਦੌਰਾਨ ਇਕੱਠਾ ਕੀਤਾ। ਕੀ ਉਸਦੀ ਵਿਸਥਾਰਪੂਰਵਕ ਜਾਣਕਾਰੀ ਪਾਰਟੀ ਨੂੰ ਦਿੱਤੀ ਹੈ?
ਉਨ੍ਹਾਂ ਇਹ ਵੀ ਕਿਹਾ ਕਿ ਕੀ ਤੁਸੀਂ ਮੰਤਰੀ ਹੁੰਦਿਆਂ ਆਪਣਾ ਜਨਮ ਦਿਨ ਮਨਾ ਕੇ ਹਿਮਾਚਲ ਦੇ ਪਾਲਮਪੁਰ 'ਚ ਬਨਣ ਵਾਲੇ ਸਵਾਮੀ ਵਿਵੇਕਾਨੰਦ ਸੰਸਥਾਨ ਲਈ ਪੈਸੇ ਇਕੱਠੇ ਨਹੀਂ ਕੀਤੇ ਸਨ ? ਕੀ ਇਹ ਵੀ ਸੱਚ ਨਹੀਂ ਹੈ ਕਿ ਪੈਸੇ ਦੇਣ ਵਾਲੇ ਤੁਹਾਡੇ ਵੀ ਵਿਭਾਗ ਦੇ ਅਧਿਕਾਰੀ ਤੇ ਵਪਾਰੀ ਸਨ ? ਇਹ ਵੀ ਸੱਚ ਕਿ ਉਹ ਸੰਸਥਾਨ 'ਚ ਤੁਹਾਡੇ ਕਰੀਬੀਆਂ ਦੀਆਂ ਨਿਯੁਕਤੀਆਂ ਹੋਈਆਂ।

Punjab news, Punjabi news, BBC PUNJABI,