ਮੈਲਬੌਰਨ— ਆਸਟ੍ਰੇਲੀਆ ਵਿਚ ਇਕ ਭਾਰਤੀ ਨੌਜਵਾਨ ਨੇ 16 ਸਾਲਾ ਬੱਚੇ ਨਾਲ ਅਸ਼ਲੀਲ ਹਰਕਤਾਂ ਕਰਕੇ ਉਸ ਨੂੰ ਸ਼ਰਮਸਾਰ ਕਰਨ ਦੀ ਕੋਸ਼ਿਸ਼ ਕੀਤੀ। ਪੁਲਸ ਨੇ ਸੀ. ਸੀ. ਟੀ. ਵੀ. ਫੁਟੇਜ ਰਾਹੀਂ ਉਸ ਨੂੰ ਫੜ ਕੇ ਅਦਾਲਤ ਵਿਚ ਪੇਸ਼ ਕੀਤਾ। ਰਾਹੁਲ ਵਾਲੀਆਂ ਨਾਂ ਦੇ ਇਸ ਨੌਜਵਾਨ ਨੇ ਫਾਊਨਟੇਨ ਗੇਟ ਸ਼ਾਪਿੰਗ ਸੈਂਟਰ 'ਚ 16 ਸਾਲਾਂ ਦੇ ਲੜਕੇ ਨਾਲ ਅਸ਼ਲੀਲ ਹਰਕਤਾਂ ਕੀਤੀਆਂ ਸਨ। ਪਿਛਲੇ ਮਹੀਨੇ ਉਪਰੋਕਤ ਸ਼ਾਪਿੰਗ ਸੈਂਟਰ 'ਚ ਰਾਹੁਲ ਵਾਲੀਆ ਪੁਰਾਇਲ ਨਾਂ ਦੇ ਇਸ ਭਾਰਤੀ ਨੌਜਵਾਨ ਨੇ ਇਸ ਤਰ੍ਹਾਂ ਦਾ ਕਾਰਾ ਕੀਤਾ ਸੀ। ਪੁਲਸ ਕਈ ਦਿਨਾਂ ਤੋਂ ਉਸ ਦੀ ਭਾਲ 'ਚ ਸੀ ਤੇ ਆਖਰਕਾਰ ਉਸ ਨੇ ਖੁਦ ਨੂੰ ਪੁਲਸ ਦੇ ਹਵਾਲੇ ਕਰ ਦਿੱਤਾ।
30 ਸਾਲਾਂ ਦੇ ਇਸ ਨੌਜਵਾਨ 'ਤੇ ਦੋਸ਼ ਲੱਗੇ ਹਨ ਕਿ ਉਸ ਨੇ ਨਾਬਾਲਗ ਲੜਕੇ ਨਾਲ ਬਦਫੈਲੀ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ। ਰਾਹੁਲ ਨੂੰ ਸਖਤ ਹਦਾਇਤਾਂ ਦੇ ਨਾਲ ਜ਼ਮਾਨਤ ਮਿਲ ਗਈ ਹੈ ਅਤੇ ਉਸ ਨੂੰ 24 ਜੁਲਾਈ ਨੂੰ ਮੈਲਬੌਰਨ ਮੈਜਿਸਟਰੇਟ ਕੋਰਟ 'ਚ ਫਿਰ ਸੁਣਵਾਈ ਲਈ ਪੇਸ਼ ਕੀਤੀ ਜਾਵੇਗਾ। ਵਿਕਟੋਰੀਆ ਪੁਲਸ ਇਸ ਕੇਸ 'ਚ ਕੁਝ ਹੋਰ ਗਵਾਹਾਂ ਦੀ ਤਲਾਸ਼ ਕਰ ਰਹੀ ਹੈ।

Punjab news, Punjabi news, BBC PUNJABI,